आफैँलाई खुल्ला पत्र

अरुले आफूलाई विर्सन थालेपछि
आफैँले समेत आफूलाई विर्सन थालिँदो रैछ
त्यसैले
आज आफैँलाई चिठी लेख्दैछु
प्रिय म
मलाई मेरो धेरै धेरै सम्झना ।

अरुले आफूलाई माया मार्दै लगेपछि
आफैँलाई मर्नु हुँदो रहेछ
त्यसैले आज आफैँलाई माया गर्दैछु
प्रिय म
मलाई मेरो धेरै धेरै माया ।

आफ्नो भनी संवोधन गर्नेहरुको संख्या
विस्तारै साँघुरिँदै गएपछि
आफ्नै अस्तित्वमाथि शंका सुरु हुँदो रहेछ
त्यसैले
आज आफैँसँग साइनो गाँस्न मन लाग्यो
उही
मेरो म ।

1 comments:

Ananta Niraula said...

Beautifully expressed!!!

Post a Comment